Pwosesis evalyasyon
Posté le 5 juillet 2023 • 1 min de lecture • 189 motsPwosesis evalyasyon pou apresye travay fonksyonè yo.
Pandan antretyen evalyasyon an, chèf imedya fonksyonè a apresye randman l parapò ak reyalizasyon objektif ki te fikse depi nan premye mwa ane fiskal la oubyen nan antre fonksyon l si li nouvo. Objektif sa yo dwe kominike ak tout ajan konsène yo e dwe gen yon revizyon deskripsyon tach kap fasilite akonplisman objektif yo. Rezilta evalyasyon sa se yon nòt chifre ki koresponn ak kritè yo sou yon echèl 1 a 5, nòt minimal la se 3 ki vle di objektif yo atenn.
Arete 10 septanm 2014 sou evalyasyon pèfòmans nan fonksyon piblik la presize etap pwosesis evalyasyon an:
- Fikse epi kominike objektif pèfòmans yo
- Fè revizyon nan deskripsyon tach yo
- Fonksyonè yo dwe evalye tèt yo dabò epi soumèt rezilta bay siperyè yo
- Antretyen evalyasyon an ant siperyè a ak fonksyonè a
- Fich evalyasyon ki siyen pa fonksyonè a ak siperyè l e kap sèvi kòm rapò evalyasyon
- Entèvansyon sèvis resous zimèn si gen dezakò ant fonksyonè a ak siperyè l sou rezilta yo
Evalyasyon pèfòmans lan dwe ede nan jere ak itilize resous zimèn yo yon fason ki efikas.