Fanm ki ap pote bebe
Posté le 31 août 2022 • 1 min de lecture • 137 motsDwa konje avan e aprè akouchman
Fonksyonè piblik ki ap pote yon bebe dwe benefisye 12 semèn konje selon lalwa. Konje sa dwe kòmanse 2 semèn avan akouchman an sof si doktè ta rekòmande yon lòt dat pou sa pa mwayen sètifika medikal.
Papa pitit la dwe benefisye 5 jou konje patènite apati dat akouchman madanm li.
Lalwa pran an kont sitiyasyon fonksyonè ki ansent e se pou sa li gen dwa a 12 semèn konje. 2 semèn avan l akouche, konje a dwe demare pou l etann li sou 10 lòt semèn apre akouchman an. Etandone fi ki akouche ap bezwen atansyon ak asistans mari l, lalwa prevwa 5 jou konje pou mari a apati dat akouchman madanm li.
Si madanm ou akouche ou pa egzije konje patènite w, se pa fòt Alo Fonksyonè! 😉