Obeyisans yerachik
Posté le 2 février 2023 • 1 min de lecture • 116 motsYoun nan prensip ki pwoteje fonksyonè nan kad travay li.
Depi se nan limit atribisyon l epi sou lòd siperyè yerachik li, pyès fonksyonè pa dwe enkyete pou zak li poze. Li dwe selman asire l ke lòd siperyè l la regilye, ke l pa kontrè ak lalwa oubyen ak enterè piblik la.
Obeyisans yerachik la se yon prensip enpòtan nan òganizasyon fonksyon piblik la. Dapre obligasyon sèvis la, fonksyonè yo dwe obeyi lòd siperyè yo. Nan ka sa a, responsablite fonksyonè yo pa angaje pou zak yo poze selon atribisyon yo.
Sepandan gen nan ka fonksyonè yo ka oblije pa obeyi lòd siperyè yo pa egzanp si lòd sa manifesteman ilegal oubyen si l kontrè ak enterè piblik.