Fonksyonè an detachman
Posté le 21 septembre 2022 • 1 min de lecture • 146 mots
Yon fonksyonè ki jwenn nominasyon pou yon pòs politik dwe mande mete l an detachman pou l ka ranpli fonsyon politik sa.
Lè peryòd detachman an fini (2 zan pou pi plis), l ap reyentegre fonksyon piblik la, swa nan enstitisyon li te ye avan an osnon yon lòt enstitisyon ki gen pòs disponib.
Anpil fwa yon Fonksyonè jwenn nominasyon pou l okipe yon pòs politik, li annik kite fonksyon piblik la san l pa solisite mizandetachman l.
Lè l sispann egzèse fonksyon politik la, li difisil pou etabli lyen li ak fonksyon piblik la pou yo ka reyentegre l. Aloske si l te an detachman, l ap sèlman solisite reyentegrasyon l. Si pa gen pòs vid nan administrasyon l lan, y ap reyentegre l nan yon lòt administrasyon ki gen pòs disponib.
Nou wè jan fòmalite sa enpòtan!