Òkad
Posté le 5 octobre 2022 • 1 min de lecture • 184 mots
Pozisyon òkad la koresponn ak sityasyon fonksyonè ki kontinye egzèse yon chaj politik aprè ekspirasyon peryòd mizandetachman l. Pou sa li dwe mande mete l òkad. Kidonk òkad la se pwolonjman mizandetachman an sofke fonksyonè a sispann benefisye dwa a avansman epi retrèt.
Pozisyon òkad la pa gen yon dire limite e li fini sou demann fonksyonè a pou reyentegrasyon l ki pa otomatik.
Sonje sa, lè fonksyonè kap egzèse yon fonksyon politik rive nan fen peryòd mizandetachman l pandan ke l toujou gen chaj politik la, li dwe mande mete l òkad pou l ka kontinye nan pòs sa.
Òkad la se pwolonjman mizandetachman an, men nan ka sa lap sispann benefisye dwa avansman ak retrèt. Lè l sispann egzèse fonksyon politik la, lap mande mete fen nan pozisyon òkad la ak reyentegrasyon l. Reyentegrasyon an pa otomatik men fonksyonè a ap a dispozisyon administrasyon piblik la e y ap reyentegre l nan pòs disponib swa nan administrasyon l te ye avan an oubyen nan yon lòt. Sa vle di y ap reyaktive karyè fonksyonè l.