Rekou kontansye
Posté le 14 juin 2023 • 1 min de lecture • 174 motsLòt fason pou fonksyonè konteste yon desizyon.
Kont tout desizyon ki leze dwa yo ak enterè yo, fonksyonè yo gen dwa fè yon rekou kontansye devan ògan jiridiksyonè administrasyon an ki se Lakoudèkont ak kontansye administratif. Yon fonksyonè lib pou l fè rekou sa san l pa fè rekou grasye ak yerachik. Rekou kontasye a dwe fèt nan entaval 90 jou apati desizyon konteste a. Si delè sa pase, rekou a pap resevab devan Lakoudèkont.
Tout fonksyonè gen dwa pou l fè yon rekou devan Lakoudèkont ki se ògan jiridiksyonèl administrasyon an (ògan ki la pou tranche sou litij ant administrasyon an e ajan piblik yo ou isaje yo).
Pou rekou sa valab, fonksyonè a dwe fè l nan delè legal la, sa vle di 90 jou apati desizyon ki leze dwa l la. Kidonk si apre w fin gen konesans de desizyon ki pran kont ou, ou kite 90 jou pase avan w fè rekou devan Lakoudèkont, rekou w la pap resevab e menmsi desizyon an te enjis yo pap ka anile l.